ධනේෂ් විසුම්පෙරුම
විදුසර 20.02.2013
උරගයන් අතරින් පහෙන් එකක් අවදානමක
ලෝකයේ ජීවත්වන 9,500ක් පමණ වන උරග විශේෂ අතරින් අහඹු ලෙස තෝරාගත් උරග විශේෂ 1,500ක් පමණ යොදා ගෙන මේ සත්ත්ව කාණ්ඩය පිළිබඳ ප්‍රවීණයන් විශාල පිරිසක් සම්බන්ධ කරගනිමින් මේ අධ්‍යයනය සිදුකර ඇත.
එහිදී හෙළි වී ඇති තවත් කරුණක් වන්නේ විවිධ උරග කණ්ඩායම් මුහුණදී ඇති තර්ජනය විවිධ විය හැකි බවය. නිදසුනක් ලෙස ගතහොත් මිරිදිය ඉදිඹුවන් අතරින් අඩක් පමණ ප්‍රමාණයක් වඳවීමේ තර්ජනයට ලක්ව ඇත. ඊට ප්‍රධාන හේතු වී ඇත්තේ සුරතල් සතුන් ලෙස ඇති කිරීම සඳහා මේ සතුන්ට ඇති අධික ඉල්ලූමයි.
එසේම මේ පර්යේෂණයෙන් පෙන්වා දෙන අනෙක් වැදගත් කරුණ වන්නේ වාසස්ථාන වෙනස්වීම නිසා තර්ජනයට ලක්ව ඇති නිවර්තන කලාපීය ප්‍රදේශවල උරගයින් සංරක්ෂණය පිළිබඳව වැඩි අවධානයක් යොමු විය යුතු බවය. (මූලාශ්‍රය: Biological Conservation, DOI: 10.1016/j.biocon.2012.07.015)
No comments:
Post a Comment